Sími: 480 3030 (grunnskóli) 480 3034 (leikskóli)

Þemavika í fullum gangi

Þessa vikuna er þemavika í skólanum og gengur hún algjörlega eins og í sögu. Allir eru að skemmta sér konunglega – bæði starfsmenn og nemendur. Föstudaginn 16. nóvember er uppskeruhátíð í skólanum þar sem nemendur munu sýna afrek vikunnar. Ný hjólabraut verður vígð, jólaskraut til sýnis, leiksýning á sviði, veitingar í boði og ýmislegt fleira. Þú vilt ekki missa af þessu 🙂

Fjölmiðlaflipp hópurinn hefur gengið á milli hópa og tekið viðtöl við bæði nemendur og kennara – hér má sjá smá brot af því sem þau hafa unnið að og um leið má sjá smá brot úr öllum þeim smiðjum sem voru í boði á þemavikunni 🙂

Friðarhlaupið og Norræna skólahlaupið

Það er óhætt að segja það að krakkarnir í Bláskógaskóla á Laugarvatni séu dugleg að hreyfa sig. Í október tóku þau þátt í tveimur hlaupum Friðarhlaupinu og Norræna skólahlaupinu 

,,Friðarhlaupið (Sri Chinmoy Oneness-Home Peace Run) er alþjóðlegt kyndilboðhlaup sem fram fer um allan heim. Tilgangur hlaupsins er að efla frið, vináttu og skilning manna og menningarheima á milli. Sem tákn um þessa viðleitni bera hlaupararnir logandi kyndil, sem berst manna á milli í þúsundum byggðarlaga í yfir hundrað löndum. Friðarhlaupið safnar ekki fé og leitar ekki eftir stuðningi við pólitískan málstað.  Markmið hlaupsins er einfaldlega að auka meðvitund um að friður, vinátta og skilningur hefst í hjarta hvers og eins.

Yfir 100 lönd taka þátt í ár í öllum heimsálfum.

Kjartan Lárusson íþróttakennarinn okkar fékk að hlaupu loknu viðurkenningu fyrir glæsilegt starf sitt í glímu og þá sérstaklega með börnum og unglingum.

Endilega skoðið heimasíðu Friðarhlaupsins en þar má m.a. finna myndir frá hlaupinu

Heimasíða Friðarhlaupsins 

Norræna skólahlaupið fór fram 27. september og stóðu allir þátttakendur sig með prýði en við bættum okkur um 37,5 km í ár. Í boði var að hlaupa 2,5km 5km og 10km – alls tóku 50 nemendur í 1. – 10. bekk þátt.