Sími: 480 3030 (grunnskóli) 480 3034 (leikskóli)

Tónlistarskóli Árnesinga – umsóknir

Óski nemendur Bláskógaskóla á Laugarvatni eftir að vera tónlistarnámi hjá tónlistarskóla Árnesinga þarf að sækja um fyrir 01. júní.

Sótt er um rafrænt á heimasíðu tónlistarskóla Árnesinga www.tonar.is – smellt á: UMSÓKN UM SKÓLAVIST.

Nemendur skrá sig til náms allan veturinn. Nemendur sem fá skólavist, fá póst í ágústbyrjun með upplýsingum um greiðslu skólagjalda.

Kennsla hefst 27. ágúst 2018 til maíloka 2019 og fer fram í skólanum á Laugarvatni.

Fyrir nánari upplýsingar bendum við á heimasíðu tónlistarskólans.

 

Myndaniðurstaða fyrir minions instrument

Grænfáninn

Nemendur tóku í dag við Grænfánanum. Fáninn er vottun Landverndar á því að skólinn sé að sinna umhverfismálum vel. Unnið hefur verið að þessu verkefni í á annað ár og við erum því ótrúlega glöð að vera búin að ná þessum árangri.

Nemendur tóku við fánanum með umhverfisnefnd skólans í fararbroddi. Til að fagna þessum áfanga var haldin grillveisla. Hún fór reyndar fram innandyra þar sem að veðrið var aðeins að stíða okkur.

Að sjálfsögðu var fáninn dreginn að hún þar sem að hann fær að blakta framvegis.

Til hamingju við!

 

Umhverfisnefndin ásatm Dóru sem hefur haft umsjón með verkefninu tekur við fánanum frá fulltrúa Landverndar.

ART skýrsla

Við skólann hefur verið marvisst unnið með ART-kerfið. Stærsti hluti kennara skólans á báðum deildum hefur sótt ART námskeið þar sem að þeir læra að beita þeim æfingum sem að ART býður uppá. Upplifun okkar er sú að ART hafi áhrif á betri samskipti nemenda og þar af leiðandi betri líðan.

Það er því sönn ánægja að sjá niðurstöður í þessari skýrslu sem að var að koma út um ART þjálfunina. Þar er augljóst að við erum ekki ein um að finnast árangurinn af ART þjálfunininn vera jákvæður.

Við stefnum því ótrauð áfram í ART vinnunni og vonumst til þess að halda áfram mjög háu hlutfalli ART þjálfaðra kennara.

Hérna má lesa skýrsluna: ART Endanleg skýrsla

Við bendum einnig á skemmtilegt myndband um ART á vef ISART en það má sjá hér: https://youtu.be/MyuYMYmgKZ0

Frekari upplýsingar er að finna á vef ISART www.isart.is