Starfsdagur verður föstudaginn 22. maí samkvæmt skóladagatali. Starfsdagurinn er í grunnskóladeild en leikskólinn er opin samkvæmt áætlun.

Skólareglur og skóladagatal

Nýjar skólareglur hafa nú verið samþykktar af skólanefnd. Þær má nálgast hér: Skólareglur Bláskógaskóla Laugarvatni.

Reglurnar hafa verið í vinnslu síðan á síðasta skólaári. Allir nemendur skólans hafa komið að þeirri vinnu ásamt starfsfólki. Þær voru einnig kynntar foreldrum og leitað eftir athugasemdum þeirra. Reglurnar voru einnig til umræðu hjá skólaráði og skólanefnd.

Við þökkum öllum fyrir að taka þátt í þessu enda mikilvægt að allir hagaðilar skólans komi að verkefninu.

Við hvetjum foreldra til þess að kynna sér reglurnar vel. Við byrjum strax að starfa eftir þeim en gefum okkur þó vorið til að læra á þann hluta reglanna sem snýr að mætingu og punktakerfi. Næsta haust verður byrjað að vinna eftir því kerfi af fullum krafti.

Leiðarljós reglanna eru gildi skólans, Virðing, Vinátta og Gleði, og við vitum að nemendur og starfsmenn hafa nú þegar tileinkað sér þau vel.

Skóladagatal næsta skólaárs er einnig tilbúið og hefur verið afgreitt frá skólanefnd. Það má nálgast hér: Skóladagatal 2020-2021

Bæði skjölin eru einnig á forsíðu í kassa sem heitir: Hagnýtt.

Starfsdagur 14. apríl

Kæru foreldrar,

Í ljósi þess að líklegt er að við munum halda áfram í þessu fyrirkomulagi eftir páska hefur verið ákveðið að færa starfsdag sem vera átti þann 22. apríl til 14. apríl.

Mikilvægt er að ef foreldrar hafa ákveðið að börnin komi ekki meira í kennslu í skólann að vera látin vita af því fyrir næstu viku. Best er að hafa samband beint í tölvupósti gudmundur@blaskogaskoli.is eða elfa@blaskogaskoli.is.
Þeir foreldrar sem þegar hafa látið vita þurfa ekki að gera það aftur.

Athugið einnig að þar sem að viðvera starfsmanna í skólanum er takmörkuð getur verið erfitt að ná inn í gegnum síma. Að jafnaði er hægt að ná í leikskólann fyrir hádegi.  

Hægt er að hringja beint í Elfu í síma 868-3035, Guðmund í síma 895-2409 eða Brynju í síma 696-8081 

Kæru foreldrar  

Það er óumdeilanlega mikilvægt að eiga öflugt samfélag á þessum undarlegu tímum og finnum við vel samstöðuna skilninginn og virðinguna sem er í samfélaginu í dag í þeirri stöðu sem við stöndum frammi fyrir. 

Í næstu viku sem jafnframt er síðasta vikan fyrir páska væri gott að fá upplýsingar frá ykkur foreldrum ef nemendur munu ekki mæta í skólann, þá getum við skipulagt kennsluna (fjar og nær) samkvæmt því. Við höfum séð að það er farið að minnka í hópunum okkar og er því gott að geta sniðið þörfina hverju sinni eftir fjölda nemenda í hverjum hóp og um leið nýtt bjargir okkar á skilvirkan hátt. Við ítrekum að það er foreldra að ákveða hvort að nemendur mæta í skólann þessa dagana. Þeir nemendur sem eru heima þurfa þó að sinna sínu námi. Nemendur á mið og elsta stigi eiga jafnframt að mæta á fjarfundi þegar þeir eru haldnir.  

Aðstæður nemenda eru mjög ólíkar og því höfum við lagt mikla áherslu á að virða þarfir hvers og eins og reynt að styðja við nám nemenda eins og unnt er. Fjarnám hjá nemendum á mið og elsta stigi hefur gengið vonum framar og eiga nemendur, kennarar og foreldrar hrós skilið. Það sama má segja um heimanám nemenda á yngstastigi.  

Á leikskólastigi hafa hóparnir líka verið fámennir og upplifun nemenda eðlilega samkvæmt því misjöfn. Við munum reyna að halda úti skólastarfi eins og unnt er en ef að hóparnir eru orðnir mjög litlir verðum við í sambandi við foreldra þeirra barna sem mæta vegna þeirra aðstæðna.  

Við þökkum aftur fyrir stuðning ykkar og skilning í þessu flókna verkefni og hvetjum alla til að vera í góðu sambandi við skólann. Kennarar og stjórnendur eru boðnir og búnir að aðstoða foreldra í þessu verkefni nú sem endarnær.  

Bestu kveðjur 

Stjórnendateymi Bláskógaskóla Laugarvatni 

Næstu dagar og vikur munum við áfram skipuleggja starfið í ljósi tilmæla Almannavarna og sóttvarnarlæknis. Við viljum ítreka það að heilsa og velferð barnanna og starfsfólks er í höfð í fyrirrúmi. Af þessum sökum hefur skólinn aukið mikið fjarkennslu en einnig verið börnum og foreldrum innan handar ef foreldrar hafa ákveðið að halda börnum sínum heima Það er mjög misjafnt hvað við veljum að gera en á sama tíma mikilvægt að við virðum þarfir hvers annars.

Skólinn vill því ítreka að ef foreldrar ákveða að senda börnin ekki í skólann eða leikskólann á þessum tímum ríkir fullur skilningur á þeirri ákvörðun. Við höldum starfinu gangandi áfram eins og verið hefur en þó með þeim takmörkunum sem settar hafa verið fram. Við biðjum ykkur þó um að láta okkur vita ef þið ætlið ekki að senda börnin i skólann með tölvupósti til stjórnenda.

Við viljum einnig minna á mikilvægi þess að við séum látin vita ef nemendur og/eða fjölskyldur þeirra eru í sóttkví eða þurfa að fara í einangrun vegna smits. En viljum við þó halda því til haga að engar slíkar tilkynningar hafa borist skólanum. Auk þess bendum við á tilmæli almannavarna um að börnum sé haldið heima ef þau eru með einhver flensueinkenni, hnerra eða hósta mikið.

Við minnum á þessar síður til að lesa sér betur til um þær takamarkanir sem samkomubanni fylgir og öðru nauðsynlegum upplýsingum í tengslum við covid –19
https://www.covid.is/
https://www.landlaeknir.is/kor…/thad-sem-thu-tharft-ad-vita/