Við í Bláskógaskóla á Laugarvatni héldum upp á dag íslenskrar tungu sem var 16. nóvember.
Allir mættu með sína uppáhaldsbók og þau sem vildu fengu að kynna hana fyrir hinum nemendum skólans í salnum. Margir krakkar kynntu sína bók, bæði úr leik og grunnskólanum 🙂
5. – 7. bekkur flutti kvæðið Fjallið Skjaldbreiður, eftir Jónas Hallgrímsson, fyrir samnemendur sína í salnum og síðan var úti íslensku kennsla hjá 5. – 10. bekk saman.
Hér má sjá myndir af deginum 🙂
Vikan 16. – 20. nóvember var heldur betur viðburðarík og skemmtileg hjá okkur í Bláskógaskóla á Laugarvatni. Þemadagar voru í fullum gangi og höfðu nemendur skólans valið sér tvö þemu fyrir vikuna. Á föstudeginum var svo uppskeruhátíð vikunnar og buðu krakkarnir ættingjum og vinum í heimsókn þar sem veitingar, leiksýningar og listasýningar voru í boði.
Þemaskipulagið má sjá í frétt hér neðar á heimasíðunni.
Myndir tala sínu máli og hér eru linkar inn á myndasíðu hvers hóps 🙂
Video frá vikunni eru svo væntanleg 🙂
Telma Ragnarsdóttir hefur verið ráðin inn sem afleysing í nóvember og desember í leikskólanum. Við bjóðum hana velkomna til starfa.
Þess má einnig geta að Telma er dóttir hennar Erlu sem starfar í leikskólanum.
Við í Bláskógaskóla á Laugarvatni höfum ákveðið að skapa nýja afmælishefð.
Þegar maður á afmæli er svo sannarlega tilefni til að flagga íslenska fánanum og það munum við gera með afmælisbarni dagsins.
Védís Daníelsdóttir fagnaði sínu 3 ára afmæli og flaggaði í tilefni þess á föstudeginum 13. ásamt vinum sínum í leikskólanum. Védís átti svo skemmtilegan afmælisdag í faðmi vina og ættingja 🙂
Til hamingju með afmælið þitt Védís 🙂
Hinrik Freyr Sigurbjörnsson fagnaði 6 ára afmælinu sínu og flaggaði í tilefni þess á mánudeginum – annars átti hann góðan afmælisdag í faðmi vina og ættingja 🙂
Til hamingju með afmælið þitt Hinrik 🙂
Þriðjudaginn 24. nóvember verður fyrirlestur fyrir foreldra í Bláskógaskóla á Laugarvatni, um örugga og jákvæða netnotkun barna og ungmenna.
Rannsóknir sýna að á grunnskólaaldri er netnotkun orðin hluti af þeirra daglega lífi. Mörg börn eiga snjallsíma sem býður þeim upp á að vera nettengd allan sólarhringinn alla daga vikunnar auk þess sem félagslíf barna fer að stórum hluta fram á netinu. Hins vegar fá þau mis mikla leiðsögn heima fyrir um hvernig umgangast beri netið á jákvæðan og uppbyggilegan hátt. Mörg börn eru þ.a.l. ekki nógu vel upplýst um ýmsar hættur sem steðja að þeim. Má þar helst nefna tælingu, óvarlegar myndbirtingar, rafrænt einelti og ofnotkun svo fátt eitt sé nefnt. Því miður er raunin sú að á netinu fyrirfinnst fólks sem villir á sér heimildir í þeim tilgangi að komast í tæri við börn á þessum aldri.
Í fræðsluerindinu er farið yfir einkenni tælingarmála og hvað beri að varast í samskiptum við ókunnuga, hvað sé hægt að gera ef grunur vaknar um tilraun til tælingar og hvert sé hægt að leita. Eins fá börnin fræðslu um alvarleika rafræns eineltis og óvarlegra samskipta og myndbirtinga á netinu, farið verður yfir slæm áhrif ofnotkunar á tölvum og neti auk þess sem hvatt er til jákvæðrar og ábyrgrar netnotkunar. Fræðslan er lifandi og hvatt er til þátttöku nemenda. Stuðst er við stutt myndbönd sem að lýsa ýmsum klemmum sem komið geta upp með óvarlegri netnotkun.
Skólinn telur mikilvægt að sem allra flestir foreldrar sjái sér fært að mæta.
Fyrirlesturinn verður í sal skólans kl. 17. þriðjudaginn 24. nóvember. Fyrr um daginn verður einnig kynning fyrir nemendur.