Við í Bláskógaskóla buðum öllum mæðrum, ömmum, systrum og frænkum í rúnstykki og kaffisopa í tilefni konudagsins. Þetta var yndisleg stund sem áttum saman og virkilega gaman að fá svona mikið af flottum konum í heimsókn 🙂
Takk fyrir komuna allar og eigið góða helgi.
Hér má sjá myndir af deginum 🙂
Grunnskóladeild Bláskógaskóla Laugarvatni er í vetrarfrí nk. mánudag og þriðjudag (22. febrúar og 23. febrúar).
Skólinn hefst að nýju samkvæmt stundaskrá miðvikudaginn 24. febrúar.
Eigið góðar stundir saman.
Leikskóladeild verður opin.
Kæru mæður, ömmur, frænkur og systur!
Við í Bláskógaskóla Laugarvatni viljum bjóða ykkur í morgunverð föstudaginn 19. febrúar á milli 8:00 og 9:00! Morgunmatur verður í sal skólans og hlökkum við til að sjá ykkur!
Í dag 16. febrúar fagna systkinin Andrés og Glódís Pálmabörn hvorki meira né minna en 16 ára afmælinu sínu. Í tilefni dagsins komu þau með muffins og fóru svo saman að flagga með henni Þóru Erlingsdóttir sem fagnaði 14 ára afmælinu sínu 25. janúar s.l.
Til hamingju með afmælið Andrés, Glódís og Þóra 🙂
Þóra
Glódís
Andrés
Hér var heldur betur haldið uppá öskudaginn hátíðlega og mikið fjör í skólanum. Allir krakkarnir í leik- og grunnskólanum komu á diskótek sem 7. bekkur stóð fyrir. Þau fóru í kústadansinn, stoppdansinn og slógu svo köttinn úr tunninni – og svo var að sjálfsögðu dansað 🙂 Veitt voru verðlaun fyrir flottasta búninginn, sætasta, furðulegasta og fyndnasta.
Myndir tala sínu máli, smellið hér 🙂
