Föstudaginn 26. ágúst og laugardaginn 27. ágúst verða fjölskyldudagar hjá okkur í Bláskógaskóla Laugarvatni. Þá er ætlunin að setja niður rólur á nýju leiksvæði og ýmislegt fleira sem stendur til vegna útilóðar á leiksvæði bæði leik-og grunnskóla.
Það væri frábært að sem flestir gætu lagt hendur á plóg og búinn verður til viðburður í byrjun ágúst þar sem verða nánari upplýsingar.
Hlökkum til að eiga góðan dag saman og gera skólasvæðið okkar betra 🙂
Skólaslit grunnskóladeildar í Bláskógaskóla á Laugarvatni voru þann 6. júní.
Þá útskrifuðum við þrjá nemendur úr 10. bekk þau Andrés, Egil Snæ og Glódísi.
Einnig voru veitt verðlaun fyrir mestu framfarir í lestri en það voru þau Gunnar Geir Rúnarsson á yngsta stigi, Eva María Sveinsdóttir á miðstigi og Lára Pétursdóttir á efsta stigi. Bjarni Dan var síðan kvaddur með blómvendi en hann lét af störfum í vor eftir að hafa séð um skólaaksturinn s.l 17 ár, hans verður sárt saknað af nemendum og starfsfólki og óskum við honum öll góðs gengis í nýju starfi.
Hér má lesa ræðu Elfu skólastjóra frá skólaslitunum.
Við þökkum öllum nemendum skólans fyrir skemmtilegan og viðburðaríkan vetur 🙂
Útskriftarhópur leikskóladeildarinn samdi leikrit og sýndi við útskriftina sína. Leikritið heitir Konungshöllin á Laugarvatni. Ásmundur Ingi, Lovísa Ýr, Kolbrún Ninna og Theodóra Þuríður eiga allan heiður að texta og Hrafnhildur aðstoðaði þau með leikstjórn o.fl.
Börnin í Stóragili sungu svo fyrir gesti lagið Sunnan yfir sæinn breiða (Vikivaki).
With Google+ plugin by Geoff Janes