Árshátíð Bláskógaskóla Laugarvatni verður á föstudaginn.
Fjörið hefst klukkan 12:00 og stendur til 14:00 í sal skólans.
Foreldrar og aðrir ættingjar eru velkomnir sem og aðrir sem vilja fagna með okkur.
Boðið verður upp á fjölda atriða sem að nemendur hafa verið að vinna að undanfarnar vikur.
Hér má sjá auglýsingu sem að unglingastigið bjó til að þessu tilefni:
Þann 6. mars komu nemendur 3. bekkjar úr umhverfisfræðslu í Menntaskólanum að Laugarvatni í heimsókn og voru með kennslu fyrir öll stig Bláskógaskóla á Laugarvatni en kennslan er hluti af verkefni í umhverfisfræðslu ML.
Kennslan fór mjög vel fram og voru nemendur Bláskógaskóla mjög áhugasöm. Við þökkum þeim kærlega fyrir komuna, skemmtileg og fjölbreytt verkefni og kennsluna 🙂
2. mars s.l. var haldin forkeppni fyrir Stóru upplestrarkeppnina sem nemendur 7. bekkjar taka þátt í og í ár voru það sjö nemendur sem tóku þátt og stóðu þau sig öll með mikilli prýði.
Bjarni Þorkelsson íslenskukennari í Kerhólsskóla og fyrrum kennari Grunnskólans á Laugarvatni var einn dómara og ávarpaði hann samkomuna.
Ásta Rós Rúnarsdóttir og Sara Rosida Guðmundsdóttir fóru sem fulltrúar Bláskógaskóla á Laugarvatni og Eva María Sveinsdóttir fór sem varamanneskja
Stóra upplestrarkeppnin fór síðan fram í Kerhólsskóla þann 6. mars og stóðu fulltrúar okkar úr Bláskógaskóla á Laugarvatni mjög vel. Ásta Rós lenti í öðru sæti og hlaut hún einnig verðlaun fyrir að sigra í teiknisamkeppni sem haldin var í tengslum við keppnina.
Við óskum nemendum okkar í 7. bekk til hamingju með flotta frammistöðu og góðan árangur í keppninni 🙂
Ásta Rós Rúnarsdóttir
Í febrúar fegnum við góða gesti í kaffi í tilefni foreldrakaffi-dagsins sem er ný hefð hér í skólanum en við höfum sameinað bóndadags-kaffið og konudags-kaffið í fjölskyldu-kaffi og það tókst ljómandi vel til. Unglingastigið sá um veitingirnar og stóðu sig heldur betur vel í þeim 🙂 Við þökkum öllum mömmum, pöbbum, öfum, ömmum, frænkum, frændum, systkinum og vinum kærlega fyrir komuna – þetta var virkilega skemmtileg stund.
StjörnuSævar kom í heimsókn í febrúar og hélt flottan og fræðandi fyrirlestur um stjörnurnar fyrir nemendur sem voru duglegir að spyrja, segja frá og hlustuðu með mikilli athygli og aðdáðun á það sem hann hafði að segja. Við þökkum Sævari kærlega fyrir komuna og vonandi fáum við hann aftur til okkar síðar.
Á öskudaginn mættu nemendur og starfsfólk á leik- og grunnskólastigi í búningum og náttfötum. Starfsfólk leikskólans sá um diskó fyrir leikskóladeildina og 6. – 7. bekkur sá um diskó fyrir grunnskóladeildina. Það er alltaf gaman að taka smá dans og dilla sér hressilega við tónlist – og ekki leiðinlegt að fá að gera það á miðjum skóladegi 🙂
