Við minnum á starfsdag leikskóla föstudaginn 26. apríl og því enginn leikskóli þann dag. Það verður hefðbundinn dagur í grunnskólanum.
Starfsdagur leikskóla
Monthly Archives: April 2019
Skólahreysti
Bláskógaskóli (Laugarvatn og Reykholt) tók þátt í Skólahreysti 2019 þar sem keppt var í upphýfingum, armbeygjum, dýfum, hreystigreipi og hraðaþraut. Fyrir hönd Bláskógaskóla á Laugarvatni kepptu þau Brynjar Logi Sölvason og Eva Sigsgaard Pedersen og frá Bláskógaskóla í Reykholti kepptu þau Jóna Kolbrún Helgadóttir, Sigurður S. Ásberg Sigurjónsson og Dagur Úlfarsson og stóðu þau sig öll með prýði. Brynjar keppti í hraðaþraut ásamt Jónu Kolbrúnu Helgadóttur og Eva keppti í armbeygjum og hreystigreipi. Bláskógaskóli og Kerhólsskóli fóru saman á keppnina. Áður en haldið var á Skólahreysti fóru nemendur og starfsmenn í heimsókn til Brunavarna Árnessýslu og gámaþjónustuna í Hafnarfirði en gámaþjónustan sækir allt okkar sorp hér í Bláskógabyggð og endurvinnur. Heimsóknirnar voru mjög áhugaverðar, skemmtilegar og gengu vel. Eftir skólahreysti fór hópurinn saman í Egilshöllina þar sem þau fengu pizzu og spiluðu keilu. Ferðin gekk því vel að öllu leyti og óskum við keppendum til hamingju og þökkum þeim fyrir flotta frammistöðu í skólahreysti 2019.
