Category Archives: Fréttir grunnskóladeildar

Mikilvægt er að ef foreldrar hafa ákveðið að börnin komi ekki meira í kennslu í skólann að vera látin vita af því fyrir næstu viku. Best er að hafa samband beint í tölvupósti gudmundur@blaskogaskoli.is eða elfa@blaskogaskoli.is.
Þeir foreldrar sem þegar hafa látið vita þurfa ekki að gera það aftur.

Athugið einnig að þar sem að viðvera starfsmanna í skólanum er takmörkuð getur verið erfitt að ná inn í gegnum síma. Að jafnaði er hægt að ná í leikskólann fyrir hádegi.  

Hægt er að hringja beint í Elfu í síma 868-3035, Guðmund í síma 895-2409 eða Brynju í síma 696-8081 

Kæru foreldrar  

Það er óumdeilanlega mikilvægt að eiga öflugt samfélag á þessum undarlegu tímum og finnum við vel samstöðuna skilninginn og virðinguna sem er í samfélaginu í dag í þeirri stöðu sem við stöndum frammi fyrir. 

Í næstu viku sem jafnframt er síðasta vikan fyrir páska væri gott að fá upplýsingar frá ykkur foreldrum ef nemendur munu ekki mæta í skólann, þá getum við skipulagt kennsluna (fjar og nær) samkvæmt því. Við höfum séð að það er farið að minnka í hópunum okkar og er því gott að geta sniðið þörfina hverju sinni eftir fjölda nemenda í hverjum hóp og um leið nýtt bjargir okkar á skilvirkan hátt. Við ítrekum að það er foreldra að ákveða hvort að nemendur mæta í skólann þessa dagana. Þeir nemendur sem eru heima þurfa þó að sinna sínu námi. Nemendur á mið og elsta stigi eiga jafnframt að mæta á fjarfundi þegar þeir eru haldnir.  

Aðstæður nemenda eru mjög ólíkar og því höfum við lagt mikla áherslu á að virða þarfir hvers og eins og reynt að styðja við nám nemenda eins og unnt er. Fjarnám hjá nemendum á mið og elsta stigi hefur gengið vonum framar og eiga nemendur, kennarar og foreldrar hrós skilið. Það sama má segja um heimanám nemenda á yngstastigi.  

Á leikskólastigi hafa hóparnir líka verið fámennir og upplifun nemenda eðlilega samkvæmt því misjöfn. Við munum reyna að halda úti skólastarfi eins og unnt er en ef að hóparnir eru orðnir mjög litlir verðum við í sambandi við foreldra þeirra barna sem mæta vegna þeirra aðstæðna.  

Við þökkum aftur fyrir stuðning ykkar og skilning í þessu flókna verkefni og hvetjum alla til að vera í góðu sambandi við skólann. Kennarar og stjórnendur eru boðnir og búnir að aðstoða foreldra í þessu verkefni nú sem endarnær.  

Bestu kveðjur 

Stjórnendateymi Bláskógaskóla Laugarvatni 

Næstu dagar og vikur munum við áfram skipuleggja starfið í ljósi tilmæla Almannavarna og sóttvarnarlæknis. Við viljum ítreka það að heilsa og velferð barnanna og starfsfólks er í höfð í fyrirrúmi. Af þessum sökum hefur skólinn aukið mikið fjarkennslu en einnig verið börnum og foreldrum innan handar ef foreldrar hafa ákveðið að halda börnum sínum heima Það er mjög misjafnt hvað við veljum að gera en á sama tíma mikilvægt að við virðum þarfir hvers annars.

Skólinn vill því ítreka að ef foreldrar ákveða að senda börnin ekki í skólann eða leikskólann á þessum tímum ríkir fullur skilningur á þeirri ákvörðun. Við höldum starfinu gangandi áfram eins og verið hefur en þó með þeim takmörkunum sem settar hafa verið fram. Við biðjum ykkur þó um að láta okkur vita ef þið ætlið ekki að senda börnin i skólann með tölvupósti til stjórnenda.

Við viljum einnig minna á mikilvægi þess að við séum látin vita ef nemendur og/eða fjölskyldur þeirra eru í sóttkví eða þurfa að fara í einangrun vegna smits. En viljum við þó halda því til haga að engar slíkar tilkynningar hafa borist skólanum. Auk þess bendum við á tilmæli almannavarna um að börnum sé haldið heima ef þau eru með einhver flensueinkenni, hnerra eða hósta mikið.

Við minnum á þessar síður til að lesa sér betur til um þær takamarkanir sem samkomubanni fylgir og öðru nauðsynlegum upplýsingum í tengslum við covid –19
https://www.covid.is/
https://www.landlaeknir.is/kor…/thad-sem-thu-tharft-ad-vita/

Starfsdagur, mánudaginn 16. mars.

Kæru nemendur og foreldrar,

Stjórnendur og sveitarstjóri hafa ákveðið að mánudaginn 16. mars verði starfsdagur í skólanum.
Starfsdagur verður bæði í leik- og grunnskóla.
Dagurinn verður nýttur til að fara yfir næstu skref og gera áætlanir um framhaldið.

Allir nemendur eru heima þennan dag.
Við munum þó gera smá tilraun í fjarkennslu hjá 7. til 10. bekk en þeir nemendur fóru heim með Cromebook tölvur frá skólanum og fengu kennslu á þær í vikunni.
Hérna má sjá stutt kennslumyndband um tölvurnar: https://youtu.be/9pn11TSOXAk

8.-10. bekkur á að vera við tölvuna með kveikt á Teams klukkan 10:00 mánudaginn 16. mars.
7. bekkur á að vera við tölvuna klukkan 10:30 með kveikt á Teams mánudaginn 16. mars.
Þá verður stutt kennslustund til að prófa búnaðinn.
Ef að nemendur lenda í vandræmum við þetta þá geta þeir hringt í síma 8952409 og fengið leiðbeiningar hjá Guðmundi.

Enn og aftur þökkum við fyrir það frábæra samstarf sem við eigum við foreldrar og nemendur um þetta.

Frekari fréttir og upplýsingar verða settar inn eftir því sem hægt er.

Eigið góða helgi,
Kennarar og stjórnendur

Landinn kom í heimsókn til okkar fyrir áramótin og gerði flott innslag um fuglaskoðun nemenda á Unglingastigi.

Innslagið má með því að smella á myndina