Furðuverur voru margar á ferð í Reykholti í gær. 1.-7. bekkur fóru á Öskudagsball í íþróttahúsinu sem nemendur og foreldrar í 7. bekk stýrðu. Unglingarnir spiluðu borðspil, pool og horfðu saman á mynd í tilefni dagsins. Búningarnir voru með ýmsu móti og mátti sjá snjókarla, galdrakarla/kerlingar, prinsa, strætisvagna, hrút, nammipoka, prinsessu, hákarl og ýmislegt fleira.